您好，我是熊少

詞曲：鄭智仁

阮阿爸 教阮來 做風吹
伊講 你敢知 咱人生親像風吹入焉耳飛
飛呀飛 風愈大愈高 有時會飛入濛霧中
飛呀飛 風愈大愈高 有時乎風來騙不知
阮阿爸 率阮去 放風吹
伊講 有一工 你若會親像風吹焉耳飛
飛呀飛 愈飛愈高 看到的物就愈未清
飛呀飛 愈飛愈高 不當忘記線的起頭彼雙手
風吹呀飛 風吹呀飛 飛過阮細漢一直有的夢
風吹呀飛 風吹呀飛 飛過阮懵懂的夢



天總是攏會光

詞曲：鄭智仁

在阮熄燈的前彼時 外面一陣冷冷的風
孤獨的形影擱出現在眼前
彼段心酸的無奈時 親像佇天邊的流星
乎人會悄念的流浪代誌 流浪代誌
猶原是堅定的熱情 永遠是疼痛的心情
伊常說 相信瞑無久長
雷公風雨的瞑以後 看見蕃薯落地生根
伊常說 天總攏會光 總是會光
窗外是長夜無邊 掩映的是悲歡的歲月
雖然暗瞑是這呢久長 但是 天總是攏會光



天頂的星

詞曲：鄭智仁

天頂的星 親像媽媽您 溫柔的目賙
看阮歡喜 伴阮傷悲 率阮行過暗瞑
天頂的星 親像媽媽您 美麗的目賙
有時歡喜 有時傷悲 青春無悔的歲月
感謝您牽阮的手 媽媽 感謝您乎阮的愛
暗瞑上光彼粒星 親像就是媽媽您